ធនាគារផ្តល់ហិរញ្ញប្បទានជាង ៤,៨ លានដុល្លាអាមេរិក សំរាប់សមាគមម៉ាស៊ីនកិនស្រូវ
(02/04/2013 09:57:53)
លោក សុន គន្ធរ ប្រធានអគ្គនាយកធនាគារ អភិវឌ្ឍន៍ជនបទ បានមានប្រសាសន៍អំពីរឿងនេះប្រាប់អ្នកកាសែតកាលពីថ្ងៃទី២៨ ខែមីនា។
ការផ្តល់ហិរញ្ញប្បទាន គឺសំរាប់ជួយវិស័យឯកជនលើកកំពស់ការកែច្នៃអង្ករនាំចេញ និងជួយទប់ស្តាត់ការហូរស្រូវចេញទៅប្រទេសជិតខាង។
បើតាមលោកគន្ធរ ឆ្នាំ២០១២នេះ កម្ពុជានាំអង្ករចេញបានប្រមាណ២០ម៉ឺនតោន។ តែតួលេខនេះខុសគ្នាខ្លាំងពីការអង្កេតរបស់នាយកដ្ឋានកសិកម្មសហរដ្ឋ (USDA) សំរាប់ទីផ្សារអង្ករពិភពលោកដែលនិយាយថា ផលស្រូវអង្ករនាំចេញពីកម្ពុជាឆ្នាំ២០១២ មានប្រមាណ៨២ម៉ឺនតោនឯណោះ។
ដូច្នេះ មានន័យថា មានអង្ករជាច្រើនរបស់កម្ពុជា បាននាំចេញតាមច្រកប្រទេសទីពីរ ទៅកាន់ទីផ្សារពិភពលោក៕