ក្រសូងកសិកម្ម រុក្ខាប្រមាញ់ និងនេសាទ នៃប្រទេសកម្ពុជាឲ្យដឹងថា តាមការកត់សម្គាល់ ឥឡូវនេះប្រជាកសិករខ្មែរ បាននិងកំពុងតែឈានទៅប្រើប្រាស់គ្រឿងយន្ត ជាមធ្យោបាយធ្វើកសិកម្មច្រើនឡើងៗ នៅទូទាំងប្រទេស។
ក្រសួងនេះឲ្យដឹងថា ការងារភ្ជួររាស់ដោយគ្រឿងយន្តកសិកម្ម ត្រូវបានធ្វើឡើងនៅលើផ្ទៃដីត្រឹមតែ៤ សែនហិកតាទេ តែមកដល់ឆ្នាំ២០១០នេះ ការងារភ្ជួររាស់ដោយគ្រឿងយន្តកសិកម្ម បានឈានទៅដល់ប្រមាណ១,៧លានហិកតា គឺកើនឡើងចំនួន ៤,២៥ដង ក្នុងរយៈពេល១០ឆ្នាំចុងក្រោយនេះ។
ការកើនឡើងនូវការប្រើ គ្រឿងយន្តសម្រាប់វិស័យកសិកម្មនេះ មួយផ្នែកដោយសារ វិស័យកសិកម្មមានការរីកចម្រើន និងមួយផ្នែកទៀត ការប្រើកម្លាំងមនុស្ស សម្រាប់វិស័យនេះ មានការធ្លាក់ចុះថយ ដោយសារពលករជាច្រើនងាកទៅធ្វើការនៅក្នុងវិស័យសំណង់ និងវិស័យកាត់ដេរព្រមទាំងការធ្វើចំណាកស្រុកទៅធ្វើការនៅក្រៅ ប្រទេស។
ដើម្បីបំពេញកង្វះខាតកម្លាំងពលករនេះ គ្រឿងយន្តកសិកម្មរឹតតែត្រូវការចាំបាច់សម្រាប់ការធ្វើកសិកម្មនៅកម្ពុជា។
ឈួ ន សុផាន់ ដែលជាកសិករគំរូរស់នៅភូមិអូរអំបិល សង្កាត់អូរអំបិល ក្រុងសិរីសោភ័ណខេត្ដបន្ទាយមានជ័យ បានធ្វើការកែច្នៃគ្រឿង ចក្រច្រើនប្រភេទយកមកផ្គុំឲ្យកើតទៅជា ម៉ាស៊ីនច្រូតស្រូវស្វ័យប្រវត្ដិ ។ ការបង្កើតម៉ាស៊ីនច្រូតស្រូវថ្មីនេះឡើងត្រូវបានទទួលស្គាល់ពី លោកនាយករដ្ឋមន្រ្តី ហ៊ុន សែន ។